AYITI: KISA OPERASYON BOUKINAFASO YE?

Operasyon Boukinafaso se yon operasyon violans ki gen pou objektif kraze peyi. Operasyon Boukinafaso se yon operasyon violans pou reyalize yon koudeta paske anakopopilis yo pè ale devan pèp pou mande yo vote yo nan eleksyon. Operasyon Boukinafaso se yon katastrof ekonomik pou malere ak malerèz kap degaje yo nan lari a. Men'm jan ak operasyon Bagadad, Operasyon Pakatan'n, Operasyon ke yo rele operasyon Boukinafaso rantre nan kategori operasyon kraze pèp e kraze peyi. 

​

Yo pran nou tout pou enbesil tankou Bouki nan bèso. Epok sa, sa vle di fen mwa Novamb e debi mwa Desamb, se lè ak moman ke moun ki nan diaspora ap ranje ko yo pou yo vizite peyi dayiti pou epok fèt yo. Nan epok sa diaspora depanse 300 milyon dola nan peyi a nan lotèl, nan achte manje, achte kado e fè woulman ak fanmi yo. Jodia lè MOPOD ak Lavalas voye signal ke yap kraze e boule peyi, lè yo voye mesaj violans sa yo, yo voye yon mesaj klè pou di moun ki nan diaspora a rete kote nou ye a pa vin depanse lajan nan peyi a.

Kidonk Operasyon Boukinafaso voye yon mesaj klè nan kraze biznis ak woulman ti machann, nan pete fyèl malere ak malerèz kap degaje yo nan lari a. Operasyon Boukinafaso fè ti machann yo ak malere kap travay pèdi lajan paske gen mwens moun kap achte e depanse nan lari a. Etranje ki te planifye pou vini depanse Ayiti pou fèt yo pap mete pye. Yon lot fwa operasyon Boukinafaso ap kraze ekonomi peyi a. Akoz de operasyon Boukinafaso peyi a pèdi onivo entènn plis pase 350 milyon dola. Nou pap pale de lajan meriken ki stoke e kapral lot kote akoz de ensekirite e violans anakopopilis yo. Etranje ki te gen lide vini pou envesti nan peyi dayiti kanpe lwen akoz de violans anakopopilis yo. Operasyon Boukinafaso se yon krim ekonomik e politik anakopopilis ki pè eleksyon kont ti machan, malerèz ak malere kap degaje yo. Operasyon Boukinafaso se yon operasyon kap kraze pèp e kap mete plis moun nan mizè. Operasyon Boukinafaso se yon katastrof ekonomik ke anakopopilis yo pote pou pep la kom kado nwèl. Sanble ke doktè Aristide se nan operasyon violans sa yo sèlman ke li bon. Qui dit le contraire?

Koripsyon: Anakopolis kowompi yo pa kontan paske Ayiti ap pwogrese

Mezanmi anakopopilis yo morveu paske Ayiti ap mache nan bon direksyon nan zafè goumen kont koripsyon. Done syantifik pa gen manti ladan yo. Lè anakopopilis yo kite pouvwa an 2011 Ayiti te 175em mondyal nan lis peyi ki pi kowompi sou latè. Pou verifye gade la: http://www.transparency.org/cpi2011/results 

Apre 3 lane travay gouvènman Martelly a kote yo pase lwa sou blanchiman, kote yo ranfose travay Inite Lit kont Koripsyon (ULCC), kote yo mete dè obligasyon nan bidjè leta kote si yon shèk pa fèt sou nom pa'w ou pap kapab touchel e kote yap kouri dèyè volè san pran souf, Ayiti pwogwese de 14 plas nan 3 lane. Sa vle di an 2014 Ayiti monte nan plas 161. Se yon bon bagay pou peyi Dayiti. Sa pral gen enpak pozitif sou moun ki gen lajan e ki ta renmen vini pou fè biznis an Ayiti. Pou verifye ke Ayiti nan plas 161 pou ane 2014 la, gade la: http://www.transparency.org/cpi2014/results  

Sanble ke chèf volè a, sa vle di gwo chat mimi Jean Bertrand Letitiah Aristide ki volè anpil lajan leta, pou verifye yon pati lajan ke li volè nan leta gade la http://www.slideshare.net/Stanleylucas/rapport-officiel-dhaiti-sur-la-corruption-de-jean-bertrand-aristide-38022355 move paske Stanley Lucas montre koman Aristide non sèlman te volè lajan leta men kijan limenm ak lot konpayèl piyajè anakopopilis yo te mete peyi dayiti kom youn nan 3 peyi ki pi kowompi sou latè. Sa pat jamen rive anvan. Tout Ayisien ki konsekan dwe kontan pou pwogwè sa yo. Tout Ayisien ki konsekan ta dwe gade kisa ki merite fèt an 2015 pou ke pwogwè sa yo kontinye.