Jodia sou Delmas yon komando espesyal ke Aristide voye touye Oriel Jean. Kiyès ki Oriel Jean? Orièl Jean se ansyen chèf sekirite Aristide nan palè nasyonal. Se Orièl ki te responsab distribisyon zam palè nasyonal bay chimè yo lè Aristide te prezidan. Se li tou ki te kowòdone aktivite dwòg yo pou Jean Bertrand Aristide. DEA ki se oganizasyon ameriken kap goumen kont dwòg te debake nan peyi Dayiti e yo te arete Orièl Jean pou trafik dwòg. Lè lajistis Florida te mete men sou Orièl Jean li te mete anpil kakachat Aristide deyò nan tribinal Florida.
Orièl te eksplike lajistis ameriken koman Aristide te nan vann dwòg e blanchi lajan dwòg yo. Li te rakonte yon pakèt koze sou moun ke Aristide te fè touye e sou lajan dwòg ke li te blanchi. Akòz de kolaborasyon sa lajistis Florida te bali mwens tan nan prizon. Apre ke yo lage li lajistis Florida te voyel tounen Ayiti. Lè li debake an Ayiti Orièl te komanse kolabore ak lajistis peyi dayiti nan kad ankèt ke jij enstriksyon Lamarre Belizaire tap mennen sou enplikasyon Aristide nan dwòg, blanchi lajan dwòg ak korupsyon. Oriel Jean te gentan fè yon pakèt gwo revelasyon e bay temwanaj li sou aktivite dwog e kriminèl Jean Bertrand Aristide. Se nan kontèks sa ke Aristide apre ke li fè menas sou lajistis fè touye Orièl Jean. Se pa premye fwa ke Aristide elimine temwen ki kapab emplike li nan koripsyon, trafik dwog, blanchi lajan dwòg ak kèk lòt aktivite kriminèl. 
Aristide te fè touye ansyen gouvènè bank santral la Venel Joseph nan menm kondisyon paske li te vle kolabore ak lajistis Florida sou aktivite kriminèl Aristide yo. Aristide te fè fizye Venel Joseph yon jou anvan ke li te pati kite peyi a pou al temwaye devan lajistis Florida. Krim sa elimine yon gwo temwen nan kad travay ke lajistis tap fè an ayiti. Krim sa voye yon gwo signal ke kriminèl yo se mèt peyi dayiti.
No comments:
Post a Comment