Komsi nou soufri maladi bliye nou repran menm wout la e nou
panse ke lap mennen nou yon lot kote. Max Mathurin ki te volè lajan KEP e kite
chanje rezilta eleksyon 2004 -06 yo depi yè Prezidan KEP nan peyi dayiti.
Seli ki te fabrike zafè konte bilten blan yo. Si Prezidan Manigat te vivan li
tap temwaye sou aksyon malonèt sa yo. Kou a fèt ak komplisite Leopold
Berlanger e Nehemie Joseph. Yon bagay ki klè sèke avèk des moun malonèt
konsa nan tèt KEP a, eleksyon ane sa pap ni lib, ni onèt ni demokratik.
Avèk ekip elektoral sa, li klè ke peyi dayiti pran yon move
direksyon. Lè satefèt konsa anvan li te bannou kriz elektoral ak politik ki
te pèmèt gwo dezod jeneralize ateri. Fok nou sonje ke Patrick Fequiere ak
Gerson Richemen 2 mamb KEP 2006 te deklare piblikman ke Max Mathurin te vole 12
milyon goud. Yo te remèt bay laprès e bay peyi a dosye koripsyon Mathurin
kom volè lajan KEP. Mathurin te gen gwo problèm tou ak kou siperyè des kont
pou zak malonèt sa yo. Alepok lajistis tap travay pou mete kod nan tèt
Mathurin. Komisè gouvènman an te mete yon entèdiksyon de depa pou li.
Se kowompi sa ki avèk anpil odas depi yè Prezidan KEP peyi Dayiti. Nan
politik kase fèy kouvri sa, gen anpil sitwayen ki revolte e ki pa kompran kijan
yon moun malonèt konsa ateri nan yon enstitisyon ki empotan pou avni ak
estabilite peyi dayiti. Tout moun wè klè ke nan eleksyon sa yo menm lè pèp vote pou ou, ou pap sis paske
mesye sa yo pral chanje rezilta eleksyon yo. Sanble ke yon lot koufeta elektoral pral fèt. Mwen pral
gede kisa RNDDH pral di sou sa.
