1. Sekretè jeneral kilè wap prezante ekskiz bay pèp ayisien
lan e rekonèt ke se solda nepalè MINUSTAH ki lage kolera nan peyi dayiti? Eske
ou konnen ke depi Novamb 2010, safè 4 lane ke pèp ayisien ap tan ekskiz sa?
2. Sekretè jeneral poukisa wap pale ke ONU gen yon
responsabilite pou ede Ayiti nan zafè kolera e ou pa vle rekonèt ke se solda
nepalè MINUSTAH ki lagel isit jan tout etid syantifik yo montre sa?
3. Sekretè jeneral kolera MINUSTAH tiye plis pase 8000
ayisien e li kontamine plis pase 800.000 eske ou kap prezante ekskiz ou bay
fanmi sa yo?
4. Sekretè jeneral lap koute ayiti plis pase 2 milliards sou
10 lane pou netwaye peyi a de kolera MINUSTAH. Ou di ke ou vle ede aloske 4
lane apre ke MINUSTAH lage kolera an Ayiti LONU pa menm ka bay 400 millions.
Eske wap pase pèp ayisien nan betiz?
5. Sekretè jeneral poukisa envoye espesyal ou ansye Prezidan
Bill Clinton rekonèt ke se solda nepalè MINUSTAH ki lage kolera nan peyi Dayiti
e oumenm ou pa vle rekonèt sa? Eske ou pa vyole fondman menm deklarasyon
inivèsèl dwa moun?
No comments:
Post a Comment