Pou la dezyèm fwa Jude Celestin Chire!

Mwen pa konprann kijan yon enjenyè kreten konsa. Sanble menm chif enjenyè sa pa konprann. Mesye anakopopilis yo toujou panse panse ke se yo ki lalwa e ke yo kapab fè sa yo vle jan yo vle lè yo vle ak enstitisyon peyi a. Jude, Moise, Madistin te konpran ke sipo 3 jounalis tap sifi pou reyalize koudeta e mete yon gouvenman defakto de tranzisyon. Yo te byen kalkile men yo te mal konte. Konpotman Jude Celestin montre ke li pa respekte tèt li, Jude pa respekte pèp ayisien e li pa respekte enstitisyon peyi l. 

Jude Celestin pa respekte moun ki vote pou li 25 Oktob

Koman'w vle yon pèp vote'w 25 Oktob e li fè'w onè voye'w nan dezyèm tou nan yon eleksyon prezidansyèl epi ou pa men'm parèt louvri bouch pou di pèp sa mèsi? Depi 20 jou yo bay rezilta preliminè ak definitif Jude Celestin pa di anyen ak pèp la ki vote l 25 Oktob. Komsi moun ki te vote pou li se yon pakèt salopri. Nan Plato Santral, nan Okap, Nan Nip Nan Latibonit se gade yo gade yo wè Jude ap boule karochou Potoprens san li pa di pèp sa yo anyen.

Jude Celestin pa respekte enstitisyon peyi l 

KEP a voye envitasyon bay 2 kandida prezidan ki pase pou dezyèm tou a. Jovenel Moise repon. Li deplase al tande sa KEP te genyen pou dil. Jude Celestin pa mete pye. Mwen konpran ke li gen dwa pa dako ak KEP a men li te dwe deplase, repon a envitasyon sa e lè li soti bay yon konferans pou laprès pou bay pozisyon l e savonnen mamb KEP yo. Men lè li pa deplase, li manke enstitisyon peyil dega. Poutan Jude Celestin al chita nan reyinion ak Kenneth Merten ki gen pozisyon depaman avèk li. Merten li men'm li di tèt dwat dezyèm tou. Malgre Merten pa dako ak li Jude deplase kanmenm lal chita devan mesye blan pandan ke li pa respekte Ayisien parèy li. Sa pèmèt nou wè ki kalite lidè Jude Celestin ye.

KEP a deklare wè pa wè randevou 27 Desamb

Pandan ke Jude Celestin ap boule karochou nan Potoprens e Jovenel Moise ap mache a travè peyi e diaspora pou mande pèp la vot li, KEP a konfime ayè Lendi 7 Desamb ke lap travay tèt dwat pou dezyèm tou a fèt san fot 27 Desamb, pou tande detay yo teke la: http://www.voanouvel.com/content/article/3093414.html . 

Moise Jean Charles du aba Jude Celestin ki se sousou oligachi a

Moise Jeanchal bo kote pa li di ke Jude Celestin se yon ti sousou kap travay pou oligachi peyi Dayiti. Jean Charles deklare ke limen'm ak tout mamb Pitit Dessalines​ pap mache dèyè Jude Celestin men'm lè yo ta bayo tout sa yo mande, pou koute deklarasyon sa yo teke la: https://soundcloud.com/cyrus-sibert/moise-jean-charles-attaque-jude-celestin-et-ses-supporters-dans-la-presse 

Jefo pou Jude kraze KEP a pap reyisi. Dezyèm tou se 27 Desamb. Li pèdi anpil tan nan boule karochou nan Potoprens, pèp la vekse paske Jude pa di mèsi pou vot premye tou aloske Jovenel Moise nèg banann lan ap vale teren. Jude Celestin sanble ke li chire. Moun kap jere kanpay Jude yo se yon pakèt amatè kreten. Yo fè yon pakèt erè politik ki difisil pou repare jodia. Yon bagay ki fe moun ri ampil se lè kèk nèg ki pa kanpe sou anyen ap fè tout kalite pwopozisyon koudeta nan ofri solisyo de "soti de kriz".

-- 

«Yap pale pou sal Ayiti ak Ayisien nap travay pou defan Ayiti» 

Haiti: Kimoun ki tire sou radyo Kiskeya?

Akoz de pozisyon l an 2004 depi plizyè mwa radyo Timoun ki depan de Fanmi Lavalas e de Jean Bertrand Aristide ap choute sou jounalis Liliannne Pierre Paul ak radyo Kiskeya. Bagay la te tèlman grav paske atak sa yo te mete lavi Lilianne an danje ke li te sètoblije monte sou radyo kiskeya pou li voye yon pinga bay Aristide ak Fanmi Lavalas. Pou nou koute sa lilianne te di teke la: https://soundcloud.com/gamax-live-numerique/liliane-pierre-paul-d-nonce  

Gen 8 jou de sa Aristide voye Simon Desras via yon moun nan radyo pou di ke Gouvènman Martelly a genyen plan pou touye 2 jounalis ki se Jean Monard Metellus e Lilianne Pierre Paul. Deklarasyon sa fè pati yon plan ke Aristide te monte pou l kreye plis violans nan lari a e fasilite yon koudeta kap pèmèt mete amplas yon gouvènman tranzisyon. Nan kad plan sa chimè yo te dwe touye 2 jounalis sa yo e genyen 2 moun pa yo nan radyo ki apre tapral mete krim sa sou do gouvènman Martelly. Krim sa yo plis pwopagand politik tap fè lari a tèlman cho ke li tap fasil pou mande dechoukaj Martelly. Genyen ampil moun ki dekouvri montaj e plan makab sa alavans. Nan touye 2 jounalis sa yo lavalas ap esaye kreye kondisyon pou mete plis violans politik pou koudeta kapfèt kont gouvènman konstitisyonèl Martelly. Gen de moun ki di ke se pa Aristide paske montaj tire sa yo komanse ak Moise Jean Charles. Moun sa yo di ke gen kèk jou de sa ke Moise Jean Charles ki te fè tire sou kay li. Si nou pa sonje teke la: http://zenpolitikayiti.blogspot.com/2015/11/revelations-sur-lattaque-de-la.html Safè 30 lane ke anakopopilis sa yo ap fè montaj violans politik sa yo. Depi nan lage Bomb nan Petionvil 5 Desamb 1990 pou rive jodia nan tire sou radyo kiskeya. Plizyè Lavalas ki di ke se pa yo menm se Moise Jean Charles ki dèyè zak violans sa e kap esaye metel sou do Aristide Lavalas. Nou sonje tou kijan Newton Saint Juste te monte nan radyo e di ke li pran distans li pa rapo a Moise Jean Charles ki kwè nan violans. Sektè a tèlman mele ke Lavalas ak Pitit Dessalines di ke se pa yo menm ki fwape men se gwoup Anèl Belizè ki fèsa. Si pat genyen Facebook ak Twitter e entènèt la nou patap kapab dekouvri tou detay sa yo e koudeta anakopopilis yo tap fèt deja. Pa genyen koudeta anko an Ayiti ki chita sou montaj violans. Sanble ke ta gen foto, temwen ak video. Sa ta bon ampil pou ke peyi a dekouvri ki asasen ki kache dèyè zak kriminèl sa yo. Yon bagay ki sèten nan tande mesye sa yo pale nan radyo pandan 8 jou ki sot pase la, pèp la wè ke gen ladan yo ki tèlman pèdi kontwol yo ke sanble ke pa genyen ansyen ke yo pap fè pou moso pouvwa.